Overblog Suivre ce blog
Editer l'article Administration Créer mon blog
23 février 2011 3 23 /02 /février /2011 14:37

Par  Kassem

يا الآولاد، المسؤولية متاعكم اليوم أمام الشعب التونسي و أمام العالم ، راهي جسيمة برشة، و كبيرة برشة أكثر مما تتصورو ، في روسكم اليوم مفهوم الاستقلال الثاني . يعني أنتم الشعلة متع البلاد الي تحمل هّم الشباب الصغير و الآمهات و الاباء بكلّهم – كلمة الآستقلال الثاني هذه راهي كبيرة ياسر و هامة ياسر لآنها باش أتحدد مستقبل ش...عب كامل و لرّبما باش أتغير الخارطة السياسية العالمية.

 

الفنش- أفهمو مليح ـ علاش يلعب الغنوشي و البكوش – هاذوم الزوز يلعبو على نفسية الشعب التونسي – الي معروف عليه ما إشدش الصحيح في حتى شيئ . يلعبو على عامل الوقت و ماشي في بالهم توه الجماعة أتفد و الشعب أفد من الثورة و يرجعو لديارهم و يرضو بشطر الثورة. أنعم – أفهمو مليح ما معنى الفنش !! لآنو هو المحدد لكل شيئ ، يعني الصبر الي إذوب الحجر- لازم أنكم أتورهم بالي التوانسة متع الثورة ما أمثلوش التوانسة الي قبل الثورة ..ناس جدد أتخلقت عندها المؤهلات النفسية و العلمية و التقنية باش تتحدى حكومة مفربكة ، إنبورتي من فرانسا و بكل جرأة و بكل شجاعة و الي فرض الشرعية السياسية –

 

الهدف متاعكم ، لازم أكون واضح و جلي / و براقماتيك في أن أواحد ، باش الضغط يعطي المفعول متاعو و في الآتجاه الصحيح . لازم يا جماعة إنكم أتشوفو الي الآمام فقط ، يعني أتكونو كونسونتري على حاجة وحدة : ألا وهي فرض التفاوض مع الرئاسة – في تجاوز صارخ للحكومة المنصبة ! هذه الطريقة متاعكم ، الي باش أتوصلّكم لتحقيق الآهداف متع الثورة و أعلان الانتصار. باش الطريقة هذه أتكون فعّالة ، لا بد عليكم من التظّــم داخل القصبة / و لو بإنتخابات صغيرة ، حتى تخلقو أربعة و إلا ثلاثة من الناس أنجمو يتفاوضو مع الرئيس – أنسو كل ماهو وساطة كما صارت الحكاية في الآعتصام الآول ..أنتم أتمثلو الشعب و الشعب ماشي معاكم في الخطة متاعكم – و كل يوم خارج في مضاهارات دعما لكم ...يعني بالعربي ، أنتم هوما الي تتحملو مسؤولية شعب كامل.

 

المندسين داخل صفوفكم ، لازم من التخّلص منهم بكل أرياحية – يعني ما يدخلش في حتى لجنة ، كانت تنضيمية أو تفاوضية – لجنة الآتصال بالمحامين – بالقضاة – بالمهندسين – بالآطباء – بالموضفين – لازمها أتكون حاضرة في كل وقت باش أتسجّل كل شيئ. باش الدّعم يبقى ساري المفعول – و الشيمي يتعدى مليح بين جميع الشعب التونسي – صحيح خدمة و لكن راهو الشيئ هذا تاريخي و اصير مرّة في العشر قرون

 

الشعب التونسي من طلبة و من تلامذة و من عمّال لازمهم أكونو حاضرين في الشوارع ، في الساحات ، في كل مكان باش يدعمو القصبة و يفرضو التفاوض ألي باش يخلق الاستقلال الثاني ...هذه مهمة كل تونسي كبير و صغير – مريض و صحيح ...ألامر يتعلّق بالقطع نهائيا مع العشوائية السياسية و نضام دكتاتوري ، أكل عليه الدّهر و شرب !

 

يا توانسة – افهمو مليح اللحضة التاريخية هذه ! لآنها هي المحددة للمستقبل ..و ما أتقولوش الحكومة هذه مؤقتة – لا الموقته هذه أتحضر لمستقبل دكتاتوري – قاعدة تتجاوز فيكم و أتسمسر بدّمائكم في سوق العملة ! الحكومة الكلبة هذه متع الغنوشي و البكوش ، رهي حكومة العهد السابق الي واخو الشرعية متاعو من الغرب مش من التوانسة و قاعدين أرضو في فرانسا و في أمريكا على حساب الشعب التونسي و خدمة لمصالحهم الضيقة ، لآنهم رباية أستعمار – وأتعزلو على الشعب التونسي – و مازلو إمطيحين فيه ذبانة و اقولو عليه ماهوش قادر و ما يعرفش – الزوز هاذوم الثيقة معاهم لا !!!!! لا !لالالا !لالالالالالالالالالالالالالالالالالالالالالالالالالالالا

 

صديقكم

قاسم قاسم

Partager cet article

Repost 0
Published by thala solidaire.over-blog.com - dans Tunisie : Kasbah 1 et 2_Manifs_ Initiative-UGTT
commenter cet article

commentaires

Présentation

  • : thala solidaire.over-blog.com
  •  thala solidaire.over-blog.com
  • : ThalaSolidaire est dédié à la ville de Thala, ville phare de la Révolution tunisienne. Thala est une petite agglomération du centre-ouest de la Tunisie. Elle est connue pour son histoire antique, ses sources, ses carrières de marbre, devenues une sorte de tragédie écologique et économique, sa résistance et sa misère. Thala solidaire a pour objectif de rassembler toutes les voix INDIGNÉES pour donner à cette terre ainsi qu'à toutes autres terres un droit à la vie et à la dignité…
  • Contact

Recherche

Vidéos

Catégories